दीड वर्षापासून फरार आरोपी इगतपुरी येथून अटक….. अमली पदार्थ गुन्ह्यात घेतले ताब्यात….. नाशिकरोड युनिटची विशेष कामगिरी…..
गेल्या दिड वर्षापासुन एनडीपीएस गुन्हयातील फरार आरोपी गुन्हे शाखा अंतर्गत पोलीस ठाण्यातील पोलिसांनी अटक केली आहे.
भगवती लॉन्सकडुन पंचक गावाकडे जाणारे रोडवर, नाशिक या ठिकाणी सागर रामदास शिंदे, रा. पिंपळपट्टी, भगवती लॉन्स जवळ, जेलरोड, नाशिकरोड, नाशिक व त्याचे साथीदार जफर पटेल व सैफुल्ला भाई यांच्यावर नाशिकरोड पोलीस ठाण्यात २४ मार्च २०२५ रोजी एनडीपीएस ऍक्ट अंतर्गत गुन्हा दाखल करण्यात आलेला होता.
गुन्ह्यांचा जलद तपास करीत असताना नाशिकरोड युनिट २४ मार्च २०२४ रोजी नाशिकरोड पोलीस ठाणेच्या हद्दीत तपास करीत असताना गुन्हयामधील सागर रामदास शिंदे याला अटक करण्यात आलेली होती. परंतु त्याचे साथीदार जफर पटेल व सैफुल्ला भाई हे गुन्हा घडल्यापासुन फरार होते. नाशिकरोड युनिट गुन्हे शाखाचे प्रभारी अधिकारी पोलिस उप निरीक्षक संदिप पवार नाशिक शहरामधील फरार आरोपी यांचे विरूध्द प्रभावीपणे कारवाई करीत असतांना नितीन फुलमाळी व संजय पोटींदे यांना गुन्हयातील आरोपी जफर पटेल हा इगतपुरी या ठिकाणी असुन तो रेल्वे स्टेशन परिसरात किरकोळ कामधंदा करीत असल्याची गोपनीय बातमी मिळाल्याने नितीन फुलमाळी, दत्तात्रय चकोर व संजय पोंटींदे इगतपुरी या ठिकाणी जावुन इगतपुरी रेल्वे स्टेशन जवळ तेथील किरकोळ विक्री करणारे फेरीवाले यांना अधिक विश्वासात घेवुन जफर पटेल हा भाजीपाल्याचा व्यवसाय करीत असल्याचे कळाले. तो व्यवसाय करीत असलेल्या ठिकाणी जावुन संशयित जफर इस्माईल पटेल, वय ३० वर्षे, रा.ठि. मु. पिंपरी सदो, पोस्ट भाऊली, ता. इगतपुरी, जि. नाशिक याला ताब्यात घेतले.
सदरची उल्लेखनिय कामगिरी पोलीस आयुक्त संदिप कर्णिक, पोलीस उप आयुक्त किरणकुमार चव्हाण व सहायक पोलीस आयुक्त संदिप मिटके यांच्या मार्गदर्शनाखाली नाशिकरोड युनिटचे प्रभारी अधिकारी पोलिस उप निरीक्षक संदिप पवार, पोलिसुनिरीक्षक मंगला जगताप, नितीन फुलमाळी, दत्तात्रय चकोर, मंगेश जगताप, संजय पोटींदे यांनी यशस्वीरित्या केलेली आहे.
