टीसीएस लैंगिक अत्याचार प्रकरणातील संशयित निदा खान अखेर मध्यवर्ती कारागृहात….

 

टीसीएस लैंगिक अत्याचार प्रकरणातील संशयित निदा खान अखेर मध्यवर्ती कारागृहात….

टीसीएस मधील बहुचर्चित लैंगिक अत्याचार आणि धर्मांतरण प्रकरणातील संशयित आरोपी निदा खान हिचा पोलीस कोठडीतील मुक्काम संपला आहे. तब्बल दोन महिना पोलिसांना गुंगारा देणाऱ्या गर्भवती निदा खानला नाशिकरोड न्यायालयाने १४ दिवसांची न्यायालयीन कोठडी सुनावली असून, तिची रवानगी आता नाशिकरोड मध्यवर्ती कारागृहात करण्यात आली आहे.

चार दिवसांची पोलीस कोठडी संपल्यानंतर निदा खानला आज सोमवारी अतिरिक्त जिल्हा व सत्र न्यायाधीश केदार जोशी यांच्या न्यायालयात हजर करण्यात आले. यावेळी न्यायालयाबाहेर कडक पोलीस बंदोबस्त तैनात करण्यात आला होता. निदा खान हिच्यावर असलेल्या गंभीर आरोपांच्या पार्श्वभूमीवर सरकारी पक्ष आणि बचाव पक्षात जोरदार युक्तीवाद झाला होता. विशेष सरकारी वकील अजय मिसर यांनी सरकारची बाजू मांडली. पोलीस कोठडी दरम्यान निदा आणि तिच्या कुटुंबातील सदस्यांची समोरासमोर बसवून चौकशी करण्यात आली होती. या तपासात काही महत्त्वाचे दुवे हाती लागल्याचे समजते. निदा खानच्या वतीने अॅड. राहुल कासलीवाल यांनी काम पाहिले.

Noor Sayyad