काही वर्षांपुर्वीचा काळ असा होता की मुलींना साधारण त्या आठवी, नववी, दहावी या इयत्तांमध्ये गेल्यावर पाळी यायची. पण आता मात्र पाळी येण्याचं वय खूप अलिकडे आलं आहे. अगदी तिसरी, चौथीमध्ये शिकणाऱ्या मुलींना पाळी आल्याच्या कित्येक घटना कानावर येत आहेत. हे असं सगळं आजुबाजुला घडत असताना आपल्या लेकीच्या बाबतीत असं काही होऊ नये म्हणून कित्येक पालक चिंचेत असतात. तुम्हाला तुमच्या मुलीच्या बाबतीत हे टाळायचं असेल तर तिच्याकडून काही व्यायाम नियमितपणे करून घ्या, असं योग अभ्यासक सांगत आहेत. हे व्यायाम करण्यासाठी अगदी ५ ते ७ मिनिटांचा वेळही पुरेसा आहे. ते व्यायाम नेमके कोणते आणि कसे करायचे ते पाहुया
मुलींना लवकर पाळी येऊ नये म्हणून कोणते व्यायाम करून घ्यावे?
१. मुलींना कमी वयात मासिक पाळीचा त्रास सुरू होऊ नये म्हणून त्यांच्याकडून कोणते व्यायाम करून घ्यायला हवे याविषयीची माहिती योग अभ्यासकांनी kyrayogachennai या इंस्टाग्राम पेजवर शेअर केली आहे. यामध्ये त्यांनी सांगितलेला पहिला व्यायाम म्हणजे मलासन. सकाळी रिकाम्या पोटी हा व्यायाम मुलींकडून नियमितपणे करूनघ्या.२. दुसरं म्हणजे बटरफ्लाय पोझिशन. यासाठी जमिनीवर ताठ बसा. दोन्ही पाय गुडघ्यात वाकवून तळपाय एकमेकांना जोडून घ्या. यानंतर मांडीपासून पाय वर उचला- पुन्हा जमिनीला टेकवा. अशी क्रिया १० ते १५ वेळा करा.
३. तिसरं आसन करण्यासाठी जमिनीवर ताठ बसा. दोन्ही पाय लांब करून पायामध्ये अंतर या. यानंतर दोन्ही हातांनी उजवा तळपाय पकडून डोकं उजव्या गुडघ्यावर टेकवा. यानंतर डावा तळपाय दोन्ही हातांनी पकडून डाव्या गुडघ्यावर डोकं टेकवा. असं दोन्हीकडून साधारण ५ ते १० वेळा करा.
४. भुजंगासन, सुर्यनमस्कार, नौकासन असे व्यायामही मुलींकडून नियमितपणे करून घ्या. याशिवाय त्यांचे मैदानी खेळांचे प्रमाण वाढवा. स्विमिंग, सायकलिंग असे व्यायामही मुलींकडून करून घ्या.
आजच्या वेगवान विज्ञान आणि तंत्रज्ञानाच्या युगात माहितीचे स्वरूप बदलले आहे. वाचकांना तत्काळ, अचूक आणि विश्वासार्ह माहिती उपलब्ध व्हावी या उद्देशाने ब्लु स्टार न्युज नाशिक आधुनिक डिजिटल प्लॅटफॉर्मच्या माध्यमातून आपल्या सेवेत सादर करण्यात आले आहे. पारंपरिक पत्रकारितेची मूल्ये जपत आधुनिक तंत्रज्ञानाची जोड देत समाजाशी सातत्याने संवाद साधण्याचा आमचा प्रयत्न आहे.
