मुक्ताईनगर (जि. जळगाव) – मुक्ताईनगर शहरात रविवारी बिबट्याचा थरार पाहायला मिळाला. शहरातील मध्यवर्ती भागात असलेल्या शासकीय विश्रामगृहात सकाळी ९ वाजता चक्क बिबट्या आढळून आला. शहरात एकच खळबळ उडाली. वनविभागाचे पथक रेस्क्यू ऑपरेशन करीत असताना त्यांची बिबट्याशी झटापट झाली. झटापटीतच त्याला इंजेक्शन देत तीन तासांनंतर जेरबंद करण्यात आले.
– रविवारी सकाळी ९ वाजेच्या सुमारास विश्रामगृहाच्या डायनिंग हॉलच्या खाली, भिंतीच्या आडोशाला एक बिबट्या आढळून आला. शहरात बिबट्या आल्याची बातमी वाऱ्यासारखी पसरली आणि बघ्यांची मोठी गर्दी जमली.
– विश्रामगृहाला लागूनच असलेले बसस्थानक पूर्णपणे खाली करण्यात आले. तसेच विश्रामगृहाकडे जाणारे सर्व रस्ते बंद करण्यात आले. बाहेर असलेला गोंधळ पाहून दुपारी १२:३० वाजता बिबट्या विश्रामगृहातून धूम ठोकून पळाला.
– विश्रामगृहातून तो थेट बसस्थानकाकडे पळाला. त्याच्यामागे वनविभागाचे पथक, आमदार आणि त्यामागे जमाव पळू लागला. शेवटी बसस्थानकाजवळच पथक आणि बिबट्या यांच्यात झटापट झाली.
आजच्या वेगवान विज्ञान आणि तंत्रज्ञानाच्या युगात माहितीचे स्वरूप बदलले आहे. वाचकांना तत्काळ, अचूक आणि विश्वासार्ह माहिती उपलब्ध व्हावी या उद्देशाने ब्लु स्टार न्युज नाशिक आधुनिक डिजिटल प्लॅटफॉर्मच्या माध्यमातून आपल्या सेवेत सादर करण्यात आले आहे. पारंपरिक पत्रकारितेची मूल्ये जपत आधुनिक तंत्रज्ञानाची जोड देत समाजाशी सातत्याने संवाद साधण्याचा आमचा प्रयत्न आहे.
