गणेशोत्सव व ईद-ए-मिलाद निमित्ताने नाशिक शहरात चोख बंदोबस्त…….
नाशिक शहरामध्ये सप्टेंबर महिन्यामध्ये गणेशोत्सव व ईद-ए-मिलाद सण उत्सव शांततेत पार पाडण्यासाठी तसेच कायदा व सुव्यवस्था, सार्वजनिक सुव्यवस्था अबाधीत राहण्यासाठी नाशिक शहर पोलीस आयुक्तालय घटकात गणेशोत्सव व ईद-ए-मिलाद या सणांचे पार्श्वभुमिवर दिनांक १८ सप्टेंबर पर्यंत गुन्हेगारी पार्श्वभुमि असलेल्या गुन्हेगारांना गुन्हे करण्यापासुन प्रतिबंध करण्यासाठी प्रतिबंधक कार्यवाही करण्यात आली आहे.
याअंतर्गत २५६ सराईत गुन्हेगारांविरुध्द प्रतिबंधात्मक कारवाई करण्यात आली असून यापुढे ही साजरे होणाऱ्या सण उत्सवादरम्यान गुन्हेगारांवर करडी नजर राहणार आहे. गणेशोत्सव व ईद-ए-मिलाद सण निर्वीघ्नपणे पार पाडण्याकरीता पोलीस आयुक्तालयात पोलीस उपआयुक्त ०४, सहाय्यक पोलीस आयुक्त ०८, पोलीस निरीक्षक – – -४५, सहायक पोलिस निरीक्षक/पोलिस उप निरीक्षक- १२५, पोलीस अंमलदार- ८६०, महिला पोलीस अंमलदार २९०, राज्य राखीव पोलीस दलातील पोलीस अंमलदार – ०१ कंपनी, स्ट्रायकिंग फोर्स ०२ टीम, होमगार्ड – १०५० असा चोख बंदोबस्त नियुक्त करण्यात आला आहे.
