धुळ्यातील नगरसेवकासह तीन जणांचा अपघातात मृत्यू
चांदवड जवळ कार -कंटेनरच्या भीषण अपघातात चार जणांचा भीषण कार अपघातात जागीच दृदैवी मृत्यू झाल्याची धक्कादायक घटना आज पहाटेच्या सुमारास घडली आहे. नमोकार तीर्थक्षेत्रा समोरील मुंबई -आग्रा महामार्गावर हा भीषण अपघात झाला. या अपघातात कार मधील चार ठार जण जागीच ठार झाले.
अपघातातील मयत हे नाशिककडून धुळे आज पहाटेच्या सुमारास येत होते, मात्र चांदवड जवळ मुंबई आग्रा महामार्गावर जाणाऱ्या एका भरधाव वेगाने जाणाऱ्या कंटेनरने कारला जोरदार धडक दिल्याने हा भीषण अपघात झाल्याची माहिती समोर येत आहे. अपघातातील मयत हे धुळे जिल्ह्यातील रहिवाशी असल्याची प्राथमिक माहिती मिळाली आहे. धुळ्यातील भारतीय जनता पक्षाचे नगरसेवक असलेले किरण अहिरराव व यांच्यातील मित्रांचा जागीच दुर्देवी मृत्यू झाल्याची घटना घडली आहे. या घटनेनंतर पोलिस व सोमा टोलवेज कंपनीचे अपघातग्रस्त पथक घटनास्थळी पोहचले. येथे मदतकार्य सुरु झाले आहे. या अपघातानंतर काही वेळ महामार्ग ठप्प झाला होता.
