दागिने चोरी करणारा अट्टल चोर जेरबंद…. गुन्हे शाखा युनिट २ ची कामगिरी…..
सोने चांदीचे दागिने विक्री करणाऱ्या अटट्ल चोरास गुन्हे शाखा युनिट २ ने जेरबंद करून घरफोडी चोरीचा गुन्हा उघडकीस आणला आहे. ०२ जून रोजी पहाटे ०३:३० वाजता हेडगेवार नगर येथील राहत्या घराचा मागील दरवाजा उघडा असल्याने एकाने घरात प्रवेश करून लोखंडी कपाट उघडुन त्यातील लॉकर मध्ये ठेवलेले सोन्या चांदीचे दागिने चोरी करून पळून गेला होता. अंबड पोलीस ठाण्यात याबाबत गुन्हा दाखल करण्यात आला होता. गुन्हयाचा समांतर तपास करीत असतांना गुन्हे शाखेचे नंदकुमार नांदुर्डीकर, प्रकाश महाजन, मनोज परदेशी यांना एक इसम चोरीचे सोने हेडगेवारनगर येथील अमरधाम जवळ विक्रीसाठी येणार असल्याची गुप्त माहिती मिळाल्याने गुन्हेशाखा युनिट २ पथकाने हेडगेवार नगर, उंटवाडी अमरधाम, शिवाजी गार्डनचे बाजुला, नाशिक या ठिकाणी जावुन आरोपीस सापळा लावुन शिताफिने ताब्यात घेतले. स्वप्नील संजय पवार, वय १९ वर्षे, रा. पाटीलनगर, नविन सिडको, नाशिक असे या संशयिताचे नाव आहे.
