बिबट्याला पकडण्यासाठी उपाययोजना करण्याची मागणी……. मसूद जीलानी यांच्या तर्फे विभागीय आयुक्तांना निवेदन……. शिवसैनिक राबविणार बिबट्याचा शोध मोहीम…….
गेल्या आठवड्यात नाशिकरोड मुक्ती धाम मागे असलेल्या आनंद नगर येथील कदम लान्स परिसरात बिबट्याने एक व्यक्तीवर हल्ला केला होता. बिबट्याच्या हल्ल्यात जखमी झालेल्या इसमाला शासकीय मदत मिळावी तसेच बिबट्याला पकडण्यात वन विभागाला अपयश येत असल्यामुळे दुसरी उपयायोजना करण्यात यावी म्हणून शिवसेना उद्धव बाळासाहेब ठाकरे गटाचे विधानसभा संघटक मसूद जिलानी यांनी नाशिक रोड येथील मनपा विभागीय आयुक्तांना निवेदन देऊन मागणी केली.
नाशिक रोड परिसरातील आनंदनगर, जगताप मळा, कदम लॉन्स, जय भवानी रोड, भालेराव मळा हा अत्यंत गजबजलेल्या रहिवाशांचा परिसर असून या ठिकाणी आरक्षीत मनपाच्या जागेवर तसेचबसडेपोच्या आवारात घनदाट झाडे झुडपे असुन व त्यामुळे त्या परिसरात वन परिसरातून अर्टीलरी सेंटरच्या परिसरातून बिबट्या त्या वस्तीत येतो आणि त्यामुळे तेथील नागरीकांना अत्यंत धोका निर्माण झाला आहे मागील पाच ते सहादिवसांपासून वनविभागाला बिबटा धरण्यास अपयश आलेले आहे.
त्यात चार दिवसांपूर्वी गॅस एजन्सी मध्ये काम करण्याऱ्या कामगारावर बिबट्याने प्राणघातक हल्ला केला व गंभिर जखमी केले त्यामुळे परिसरात भीतीयुक्त वातावरण निर्माण झाले असुन नागरीक अत्यंत मानसिक त्रासात जगत आहे म्हणून शासनाने लवकरात लवकर वन विभागाला योग्य ती सामग्री देवून व कर्मचाऱ्यांची पूर्तता करून बिबट्यालाप कडण्यासाठी काही वेगळ्या उपाययोजना कराव्यात व बिबट्याच्या हल्ल्यामध्ये जखमी झालेल्या कर्मचाऱ्यास तात्काळ शासकिय मदत देण्यात यावी असे निवेदनात मागणी करण्यात आली आहे.
वन विभागास किंवा शासनाकडून बिबट्याला धरण्यास अपयश आले तर येत्या दोन दिवसा नंतर आम्ही सर्व शिवसैनिक बिबट्याची शोध मोहिम राबवू असे थेट आवाहन सुद्धा करण्यात आले आहे. यावेळी योगेश देशमुख, नितीन चिडे, किरण डाहाळ, सागर निकाले, इमरान पठाण आदी उपस्थित होते.
