पोलिसांच्या समर्थनार्थ लावलेले बॅनर्स काढण्याचे आवाहन….
नाशिक शहर पोलीस दलाच्या समर्थनार्थ लावण्यात आलेले फलक होर्डिंग काढण्याचे आवाहन पोलीस आयुक्त संदीप कर्णिक यांनी केले आहे.
गेल्या काही दिवसांपासून नाशिक शहर पोलीस दल कायदा व सुव्यवस्था राखण्यासाठी आणि नाशिक शहर सुरक्षित ठेवण्यासाठी टवाळखोर, गुंडांविरुद्ध विविध कार्यवाही व इतर उपाययोजना अविरतपणे करीत असताना, नाशिक मधील विविध नागरीक, संघटनांकडून नाशिक शहर पोलीस दलाच्या प्रति समर्थन दर्शविण्यासाठी विविध ठिकाणी पोस्टर्स व बॅनर्स लावण्यात आलेले आहेत. पोलीस दलाच्या कार्याची जनतेकडून होत असलेली ही सकारात्मक दखल नाशिक शहर पोलीस दलासाठी अत्यंत प्रेरणादायी आहेत तरी सदरचे फलक / बॅनर्स संबंधीत नागरीक, संघटना यांनी काढून घेण्यात यावेत असे विनंती आवाहन पोलिसांनी केले आहे.
नाशिक शहरातील विविध घटकातील या सकारात्मक भावनाबद्दल नाशिक शहर पोलीस दलाच्या कृतज्ञता आणि आभार व्यक्त करण्यात आले आहे.
