प्रसिद्ध बांधकाम व्यावसायिक यांना अटक…. गुंडा विरोधी पथकाची कारवाई…..
नाशिकचे प्रसिद्ध बांधकाम व्यावसायिक नरेश कारडा यांना रविवारी 3 ऑगस्ट रोजी सकाळी गुंडा विरोधी पथकाने अटक केली आहे. उत्तरप्रदेशच्या विक्रमनगर न्यायालयाने 4 अटक वॉरंट जारी केले होते. कारडा यांनी चेक बाऊन्स केल्याने त्यांच्याविरुद्ध सदर कारवाई करण्यात आली आहे. नॉनबेलेबल वॉरंट असल्याने नरेश कारडा यांना अटक करण्याचे आदेश न्यायालयाने दिले होते.
नरेश कारडा हे गेल्या अनेक वर्षांपासून आर्थिक अडचणीतून जात होते, हळू हळू अडचणीतून बाहेर पडत असताना ही कारवाई झाल्याने त्यांचे अडचणीत वाढ होणार आहे. नरेश कारडा यांनी नाशिक शहरात अनेक मोठे प्रकल्प उभारले असून पण गेल्या काही वर्षांपासून अचानक आर्थिक अडचणीचा सामना त्यांना करावा लागत आहे. कारडा यांचा शोध लागत नसल्याने शोध घेत असताना गुंडाविरोधी पथकाला कारडा हे आज द्वारका जवळील कांदा बटाटा बटाटा भवन येथे येणार असल्याची गुप्त बातमी मिळाल्याने माहितीच्या आधारे पथकाने परिसरात सापळा रचूक त्यांना अटक केली.
कारडा यांची वैद्यकीय तपासणी करून त्यांना गौतम नगर न्यायालयासमोर हजर करण्यात येणार आहे. सदर कारवाई गुंडाविरोधी पथकाचे सहायक पोलिस निरीक्षक ज्ञानेश्वर मोहिते यांच्या मार्गदर्शनाखाली विजय सूर्यवंशी, प्रदीप ठाकरे, अक्षय गांगुर्डे, घनश्याम महाले, दयानंद सोनवणे, कल्पेश जाधव यांनी केली आहे.
